lunes, 9 de enero de 2017

Kabalgatarik hotzena



Zeropeko tenperaturekin eman genien etorrera aurtengoan Ekialdeko Errege Magoei. Arangoitiko Egoitzaren epelean egin zuten zuten lehenengo geldialdia Magoek, bertako aiton amonen artean opariak eta ehundaka muxu banatuz. Ez dago hitzik momentu hori deskrubatuko duenik. 

Suziri eta kanpai hotsek Erregeak San Martin Plazara gerturatzear zeudela iragarri zutenean haurren urduritasuna goruntz zihoan. 300 gutun jaso ziren goizean zehar. Haur guztientzako koroaik banatu ziren ekitaldian.

Arratsaldeko Kabalgatak milaka lagun bildu zituen kaleetan. Antolakuntzatik ez dugu horrelako jende kopururik gogoratzen urtarrilaren 5eko desfilean. 

Arropa berriak estreinatu zituzten Hiru Erregeek eta hiru laguntzaileek, azken hauek Beasaingo Cáritas elkateko jostun tailerreko kideek eginak. Eskerrik beroena lan hori egiten diharduten lagunei!

Eguberriak lagunartean



Eguberriak ezohikoak izan dira aurtengoan Txilibutxof Aisialdi Taldean. Oporretako egunak aprobetxatuz irteera egin genuen Legazpiko Kimu-Berri aterpetxera, Lakiolako paraje ederretan kokatua. Eguraldi hotz baina eguzkitsuak ere lagundu zuen lagun arteko giroa epeltzen. Momentu bikainak bizi genituen su-bajuaren inguruan... Argazki guztiak ikusi nahi?

Argazki guztiak ikusteko egin klik HEMEN

martes, 22 de noviembre de 2016

Gurpil Festa laugarrenez


Pasa den urriaren 1ean ospatu zen Beasaingo "Gurpil Festa" laugarrenez. Dozenaka haur eta gaztetxo aritu ziren Arana kalean gora eta behera euren plastikozko ibilgailuekin. Aurtengoan, gainera, partaide guztiek eraman zituzten dominak etxera, egunaren oroigarri moduan.

San Joan Bezpera erraldoi eta buruhandiekin "handituz"


Azken urteotan nabarmen hazi da San Joan Bezperan antolatzen diren ekitaldien kopurua, Beasaingo elkarte ezberdinek antolatutako jardueran dira denak, tartean Txilibutxof. Aisialdi taldearen ardura izan da azken urteotan buruhandien kalejiraren antolakuntza. Pasa den ekainaren 23an ere herriko txikienen ekitaldi kuttuna martxan jarri genuen "Ekaitz" eraldoi konpartsarekin batera.

Ohiko irteera Beizamara ikasturtea agurtzeko


Ikasturteari agur esateko, aurtengoan ere irteera berezi bat egin genuen Beizamara, uztailaren 1etik 4ra. Aurtengoan eguraldia bestetan bezainbeste lagundu ez bazuen ere, ederki pasa genuen naturaz inguraturik dagoen herri txiki eta dotore honetan. Irteerako argazki guztiak HEMEN ikusi ditzakezue.

Loinatzetan, dantzaokea beste behin


Aurtengoan ere, Loinatz Jaietako azken egunean, herriko haur eta gaztetxoen "Dantzaokeaz" gozatzeko aukera izan genuen. Eurek aukeratutako abestia oinarri harturik, koreografia oso landuak aurkeztu zituzten beste behin, trukean txalo zaparrada itzelak jasoz.